ABŞ Konqresinin Senatı müdafiə siyasəti haqqında qanun layihəsini təsdiq edib. APA - nın “Reuters” agentliyinə istinadən verdiyi xəbərə görə, qanun layihəsi dövlət büdcəsindən ABŞ-ın hərbi xərclərinə 577 milyard dollar,  o cümlədən 64 milyard dollar xarici ölkələrdə hərbi əməliyyatların aparılmasına ayrılmasını nəzərdə tutur.

Nümayəndələr Palatası qanun layihəsini dekabrın 4-ü təsdiqləyib. İndi isə sənəd imzalanması üçün ABŞ prezidenti Barak Obamaya göndərilib.

Qanun layihəsinə əsasən, Pentaqonun baza büdcəsi 496 milyard dollar həcmində təsdiqlənib. Bunun 64 milyard  dolları dünyanın bütün münaqişə zonalarında, o cümlədən Əfqanıstandakı hərbi əməliyyatlarda iştirak etmək üçündür.

Sənəd “İslam dövləti” terror qruplaşması ilə mübarizə üçün İraq hərbçilərinin, o cümlədən kürd silahlıları və Suriyanın müxalifətinin hazırlanmasına da sanksiya verir.

Energetika Nazirliyinə nüvə silahı üzərində işlərin aparılması üçün 17,9 milyard  dollar ayrılması nəzərdə tutulur.