Rabitə və Yüksək Texnologiyalar Nazirliyinin (RYTN) Dövlət Radiotezliklər İdarəsində (DRİ) qeydiyyatda olan radioelektron vasitələr (REV) və radiotezlik istifadəçiləri haqqında statistik məlumat açıqlanıb.

DRİ-dən verilən məlumatda deyilir ki, hazırda qeydiyyatda olan radioelektron vasitələrin ümumi sayı 46413 ədəddir.

Cari ilin yanvar-sentyabr  ayları ərzində  4453 ədəd REV idarə tərəfindən qeydiyyata alınmışdır.

Oktyabrın 1-nə olan məlumata görə  Dövlət Radiotezliklər İdarəsində 427 radiotezlik istifadəçisi (müəssisə, idarə, təşkilat və fiziki şəxslər) qeydiyyatdadır. Qeydə alınmış istifadəçilərin 72-si dövlət, 292-si kommersiya, 30-u xarici təşkilat və 33-ü fiziki şəxslərdir.

Samirə ƏLİYEVA,

“Xalq qəzeti”