Bu günlərdə Vergilər Nazirliyi yanında Vergi Cinayətlərinin İbtidai Araşdırılması Departamentində aparılan araşdırmalar nəticəsində aksiz markası ilə markalanmalı olan, lakin belə marka olmadan xeyli miqdarda malları satmış və satış məqsədilə saxlamış fərdi sahibkarlar Əzimov Cavad Zakir oğlu və Məmmədov Asif Akif oğlu cinayət məsuliyyətinə cəlb edilmişlər.
Müəyyən edilmişdir ki, fərdi sahibkar C.Əzimov istintaqa məlum olmayan şəxsdən xeyli miqdarda aksiz markası ilə markalanmamış müxtəlif çeşidli alkoqollu içkiləri və tütün məmulatlarını satış məqsədilə əldə edərək onlardan bir hissəsini işlətdiyi Bakı şəhəri, Səbail rayonu, R.Rza küçəsi, 21/26 ünvanında yerləşən ərzaq mağazasında satmışdır. Onun satış məqsədilə saxladığı aksiz markaları olmayan malların digər hissəsi Bakı Şəhər Vergilər Departamentinin operativ nəzarət şöbəsinin əməkdaşları tərəfindən qeyd olunan ticarət obyektində həyata keçirilmiş tədbir zamanı aşkar edilib sənədləşdirilmişdir.
Keçirilmiş digər operativ vergi nəzarəti tədbiri zamanı fərdi sahibkar Məmmədov Asif Akif oğlunun Bakı şəhəri, Yasamal rayonu, Ə.Qasımzadə küçəsi, 22 ünvanında yerləşən ərzaq mağazasında eyni cinayət əməlini təkrarən törətdiyi müəyyən edilmişdir.
İbtidai istintaq nəticəsində C.Əzimov və A.Məmmədovun cinayət əməlləri tam sübuta yetirilmişdir. Müəyyən edilmişdir ki, A.Məmmədov eyni cinayət əməlinə görə əvvəllər də məhkum olunmuşdur.
A.Məmmədov Azərbaycan Respublikası CM-nin 213-1.2.2-ci maddəsi, C.Z.Əzimov isə CM-nin 213-1.1-ci maddəsi ilə təqsirləndirilən şəxs qismində cəlb edilərək, barələrindəki cinayət işləri üzrə istintaq tamamlanmış, tərtib olunmuş ittiham aktları təsdiq olunmaq və işlərin məhkəməyə göndərilməsi üçün Respublika Baş Prokurorluğuna təqdim olunmuşdur.{nl}

Vergilər Nazirliyi