2014-cü ilin yanvar-avqust  aylarında ölkə sənayesinin  təsərrüfat subyektləri tərəfindən  22,6 milyard  manatlıq  məhsul istehsal olunmuş və  xidmətlər göstərilmişdir.

Sənaye məhsulunun 72,1  faizi mədənçıxarma bölməsində istehsal olunmuş, 28,6 milyon ton neft, 12,3 milyard kubmetr əmtəəlik təbii  qaz və digər məhsullar hasil  edilmişdir. Emal bölməsində  istehsalın həcmi sənayenin  ümumi  məhsulunun  22 faizini  təşkil  etmiş,  qida, geyim, tütün  məmulatlarının, ağac  emalı  və  ağacdan  məmulatların,  kimya, tikinti  materiallarının,  hazır  metal  məmulatlarının,  elektrik  avadanlıqlarının,  avtomobil  və  qoşquların,  sair  nəqliyyat  vasitələrinin  və s.  məhsulların  istehsalında  artım   müşahidə  edilmişdir. İstehsal  edilmiş  sənaye  məhsulunun  5,3  faizi elektrik  enerjisi, qaz  və  buxar  istehsalı,  bölüşdürülməsi  və  təczihatı  bölməsinin,  0,6  faizi  su  təczihatı,  tullantıların  təmizlənməsi  və  emalı  sahəsinin   payına  düşür.

Dövlət  Statistika  Komitəsinin  məlumatında  bildirilir ki,  sənayenin  qeyri-neft  sahələrində  istehsalın həcmi  əvvəlki  ilin  yanvar-avqust  aylarının səviyyəsini  5,4   faizi  üstələmiş,  neft-qaz  sektorunda  isə 2,4  faizi  azalmışdır.  Ümumi  sənaye  istehsalının  93,2   faizi  malların  (əmtəələrin),  6,8  faizi  isə  sənaye   xarakterli  xidmətlərin   payına düşmüş,  məhsulun   80,7  faizi  özəl  bölmədə  istehsal  olunmuşdur.

Samirə ƏLİYEVA,

“Xalq  qəzeti”