Bu günlərdə “Veysəloğlu” Şirkətlər Qrupu yaranmasının 20 illik yubileyi münasibətilə silsilə tədbirlər keçirir. Şirkətin nümayəndələri bu tədbirlərin davamı kimi ötən həftə Qəbələ rayonuna infotur təşkil etmişdir. Tədbirdə ölkənin tanınmış media təmsilçilərinin nümayəndələri iştirak edirdilər.

Qəbələdəki Qafqaz Karvansaray otelinin konfrans zalında keçirilən görüşdə şirkətin ictimaiyyətlə əlaqələr şöbəsinin müdiri İlham Məmmədzadə təmsil etdiyi qurum haqqında jurnalistlərə məlumat verdi. Bildirdi ki, 1994-cü ildən fəaliyyətə başlayan “Veysəloğlu” Şirkətlər Qrupu ilk vaxtlar yalnız müxtəlif ölkələrdən gətirdiyi şirniyyat məhsullarının pərakəndə ticarətini təşkil edirdi. Hazırda isə dünyanın 80-dən çox aparıcı istehsalçılarının (Türkiyə, Rusiya, Ukrayna, Belarus, Almaniya, Fransa, Macarıstan, Polşa və s. kimi ölkələrin) şirniyyat məhsullarının distribütorluğunu həyata keçirir.

Eyni zamanda, şirkətin Bakıda inşa etdiyi “Ulduz” şokolad fabrikində müxtəlif növ şirniyyat və biskvit məhsulları istehsal olunur. Hazır məhsullar ölkə daxilində satılmaqla yanaşı, bir çox xarici dövlətlərə də ixrac edilir. Şirkətdə 250-yə yaxın işçi çalışır və onların əksəriyyəti gənclərdən ibarətdir.

“Veysəloğlu” Şirkətlər Qrupunun Bakıda mərkəzi anbarı, Salyan və Mingəçevir şəhərlərində yerləşən filialları vardır.

Sonda İ.Məmmədzadə jurnalistləri maraqlandıran suallara cavab verdi, media nümayəndələrinə şirkətin hədiyyələri təqdim edildi.

Səfər müddətində Qəbələ və Oğuz rayonunun görməli yerləri ilə tanışlıq tədbiri xüsusilə yaddaqalan etdi.

Qabil YUSİFOĞLU,

“Xalq qəzeti”