2001-ci ildən 2013-cü ilədək olan dövrdə Azərbaycan Respublikası Dövlət Neft Fonduna (ARDNF) 101 milyard dollardan artıq vəsait daxil olmuşdur. Trend-in məlumatına görə, bu barədə ARDNF-nin ötənilki fəaliyyətinə həsr olunmuş hesabatda deyilir.

Ötən 13 il ərzində fonda daxilolmaların təxminən üçdə ikisi (64 faiz və ya 64,23 milyard dollar) investisiya qoyuluşlarına yönəldilmişdir. ARDNF-yə daxil olmuş resurslardan qalan 36 faiz (35,88 milyard dollar) fondun yığım hissəsinə yönəldilmişdir. 2013-cü ildə fonda daxilolmaların həcmi 17,33 milyard dollar olmuşdur ki, bu da 2012-ci ildəki göstəricidən aşağıdır (17,41 milyard). Hesabatda deyilir: “Azalma Neft Fondunun xərclərinin artan həcmi ilə əlaqədardır”. Yığıma ötənilki daxilolmaların 9,5 faizi göndərilmişdir. ARDNF 1999-cu ildə yaranmışdır və həmin vaxt onun aktivləri 271 milyon dollar təşkil etmişdir.