Azərbaycan Dövlət Neft Şirkəti (ARDNŞ) “Rosneft” (Rusiya) şirkəti ilə birgə yaradacağı müəssisə Rusiya ərazisində hasilatın çətin olduğu yerlərdə neft çıxarmaqda maraqlıdır.

“APA -Economics”in məlumatına görə, bunu jurnalistlərə açıqlamasında ARDNŞ prezidenti Rövnəq Abdullayev bildirmişdir.

 Onun sözlərinə görə, ARDNŞ bu sahədə təcrübəli mütəxəssislərə malikdir.

 Qeyd edək ki, ARDNŞ ilə “Rosneft” arasında Rusiya və Azərbaycanda neft hasil etmək üçün müştərək şirkətin yaradılması barədə müqavilə imzalanmışdır. Sənədi Azərbaycan tərəfindən R.Abdullayev, Rusiya tərəfindən isə “Rosneft”in prezidenti İqor Seçin imzalamışdır.