Mayın 26-da İsveçrənin paytaxtı Bern şəhərində Azərbaycan Respublikası Hökuməti və İsveçrə Federal Şurası arasında ticarət və iqtisadi əməkdaşlıq üzrə Birgə Komissiyanın 6-cı iclası keçiriləcək.

İqtisadiyyat və Sənaye Nazirliyindən aldığımız məlumata görə, tədbirdə komissiyanın Azərbaycan tərəfdən həmsədri, iqtisadiyyat və sənaye naziri Şahin Mustafayevin rəhbərlik etdiyi nümayəndə heyəti iştirak edəcək.

Birgə Komissiyanın iclasında Azərbaycan və İsveçrə arasında iqtisadi əməkdaşlığın mövcud vəziyyəti, görülmüş işlər və əlaqələrin genişləndirilməsi məsələləri müzakirə olunacaqdır.

İsveçrəyə səfər çərçivəsində iş adamlarının iştirakı ilə Azərbaycan-İsveçrə biznes forumu təşkil ediləcəkdir.

Samirə ƏLİYEVA,

“Xalq qəzeti”