Şirkətin aktivlərinin 6,7 faizini ARDNŞ, 3,3 faizini isə bp əldə etmişdir.

Norveçin “Statoil” neft şirkəti “Şahdəniz” qaz-kondensat yatağının işlənməsi və Cənubi Qafqaz qaz kəməri layihəsində iştirak payının 10 faizini satmışdır.

“Statoil” şirkətinin yaydığı məlumata görə, sövdələşmənin ümumi dəyəri 1,45 milyard ABŞ dolları təşkil etmişdir.

Sövdələşmə nəticəsində “Statoil” şirkətinin Azərbaycandakı aktivlərinin 6,7 faizini Azərbaycan Dövlət Neft Şirkəti, 3,3 faizini isə bp şirkəti əldə etmişdir.

Qeyd edək ki, əməliyyat nəticəsində “Şahdəniz” layihəsinin iştirakçılarının payları aşağıdakı kimi bölünmüşdür: bp (28,8 faiz), ARDNŞ (16,7 faiz), “Statoil” (15,5 faiz), “Total” (10 faiz), Lukoil (10 faiz), NIKO (10 faiz) və TPAO (9 faiz).