“Caspian Energy International Media Group”  Britaniyanın ITE plc  şirkətinin  və onun  Qafqazdakı  eksklüziv tərəfdaşı  “İteca Caspian” şirkətinin təşkil etdikləri 21-ci  Beynəlxalq “Caspian Oil&Gas-2014" sərgi və konfransının  baş  informasiya  tərəfdaşı olmuşdur.

“İteca Caspian LLC” şirkətinin direktoru  Fərid Məmmədov  demişdir: “Caspian Oil&Gas” sərgi və konfransı 20 ildən çox tarixi ərzində Azərbaycanın  zəngin neft-qaz və tranzit potensialının,  onun xarici sərmayədarlar üçün cəlbediciliyinin və  işgüzar əməkdaşlıq imkanlarının müzakirəsi üçün  əsas tribunaya çevrilmişdir.  Biz artıq uzun illərdir “Caspian European Club” və “Caspian Energy International Media Group”  ilə birlikdə işləyirik.  “Caspian European Club”un üzvləri, habelə sərgi və konfransı daim işıqlandıran “Caspian Energy” jurnalının oxucuları arasında  “Caspian Oil&Gas” sərgi və konfransında dəfələrlə  iştirak edən şirkətlərin sayı çoxdur. Biz sevinirik ki, sərgi və konfrans  çərçivəsində əməkdaşlığımız son illər  daha sıx olmuşdur və əminik ki, əməkdaşlığımız inkişaf edərək möhkəmlənəcəkdir. Təşkilatçılar kimi əminik ki, “Caspian Oil&Gas” bundan sonra da regionun  neft sektorunun nailiyyətlərinin vizit kartı və  neft-qaz  sənayesi liderlərinin  daimi görüş məkanı olacaqdır. “Caspian European Club” və “Caspian Energy International Media Group” ilə  sıx işləməyimiz,  heç şübhəsiz, buna kömək edəcəkdir".

“Caspian  Energy International Media Group”un  Direktorlar Şurasının sədri Telman Əliyev demişdir: “Regionda ”Caspian Oil&Gas-2014" sərgi və konfransı kimi ən iri neft-qaz sərgisi və konfransının baş informasiya tərəfdaşı olmaq bizim üçün böyük şərəf və yüksək məsuliyyətdir. Bizə çox xoşdur ki, bu il “Caspian Energy” jurnalının  15 illiyini qeyd edirik və  bu 15 il ərzində  həmişə “Caspian Oil&Gas”ın  fəal  iştirakçıları və  tərəfdaşları olmuşuq.  ITE  şirkəti  “Caspian European Club” (CEIBC) və “Caspian Energy International  Media Group”un sərgidəki baş  tərəfdaşıdır.  Əvvəlki illərdə olduğu kimi bu il də “Caspian  Energy” jurnalının “Caspian Oil&Gas”a həsr olunmuş xüsusi buraxılışı nəşr olunacaqdır".

Əlavə informasiya üçün bu resurslara müraciət etmək lazımdır:

Tel./Faks: (+994 12) 447 02 36/38, 447 21 86/87

E-mail: [email protected]

URL:www.caspianenergy.net; www.caspianenergy.org; www.caspianenergyforum.com

AzərTAc