Kapital Bankın "Xəzri" sürətli pul köçürmələri sistemi 2007-ci ildə yaradılmışdır. Hazırda sistem bankın 100-dən çox filial və məntəqələrində fəaliyyət göstərir və respublikanın istənilən regionuna sürətli pul köçürmələri etmək imkanına malikdir. Üç il ərzində sistem üzrə vəsait dövriyyəsi 50 milyon manat təşkil etmişdir. "Xəzri"nin populyarlığı aşağı tariflər və köçürmələrin sadə olması ilə bağlıdır. Kapital Bankın Rusiyanın "Stoliçnı Kredit" Bankı ilə apardığı danışıqlar nəticəsində mövcud proqram təminatı yeniləşdirilib və Moskva şəhərində xidmət məntəqələrinin açılmasına dair müqavilə imzalanıb. 16 avqust 2010-cu il tarixdə ilk beynəlxalq köçürmələr edilmişdir.
Rusiya bankında məmnuniyyətlə qeyd edirlər ki, "Xəzri" sürətli pul köçürmə sistemini digər sistemlərdən müsbət mənada fərqləndirən amillər tapşırığın qisa zamanda icrası (10 dəqiqə ərzində), komission haqqın minimal səviyyədə olması (məbləğin 1,5%), bütün regionların əhatəsi və köçürmənin sadə qaydada rəsmiləşdirilməsidir.
Yaxın zamanda xidmət məntəqələrinin Moskva üzrə sayının çoxaldılması, və sistemin Rusiya Federasiyasında əhatə dairəsinin genişləndirilməsi planlaşdırılır. Xüsusi diqqət Rusiyada azərbaycanlıların sıx yaşadığı yerlərə yönəldiləcəkdir. Yeni məhsulun dəstəyi və əhalinin məlumatlandırılması məqsədilə bir sıra reklam tədbirləri və marketinq kampaniyaları da nəzərdə tutulmuşdur.{nl}