2010-cu ilin birinci yarısında Azərbaycanda qeydiyyatda olan hüquqi və fiziki şəxslər dünyanın 130 ölkəsindəki tərəfdaşları ilə 13,1 milyard ABŞ dolları məbləğində idxal-ixrac əməliyyatları aparmışlar.
Xarici ticarət dövriyyəsinin 10,2 milyard dollarını Azərbaycandan ixrac olunmuş mallar, 2,9 milyard dollarını ölkəmizə idxal edilmiş məhsullar təşkil etmiş, 7,3 milyard dollarlıq müsbət saldo yaranmışdır. 2009-cu ilin yanvar-iyun ayları ilə müqayisədə xarici ticarət dövriyyəsinin həcmi 53,4 faiz, o cümlədən ixrac 1,8 dəfə, idxal 5,2 faiz artmışdır. İdxal-ixrac əməliyyatlarının 56,4 faizi Avropa, 34,7 faizi Asiya, 7,4 faizi Amerika, 1,4 faizi Afrika qitəsi ölkələrinin, 0,1 faizi isə Okeaniyanın payına düşmüşdür. Xarici ticarət əməliyyatlarının 26,5 faizi İtaliya, 7,8 faizi İsrail, 7,3 faizi Fransa, 6,5 faizi Rusiya Federasiyası, 6,0 faizi Amerika Birləşmiş Ştatları, 4,9 faizi Ukrayna, 4,8 faizi İndoneziya, 3,1 faizi Çin, 3,1 faizi Malayziya, 2,9 faizi Türkiyə, 2,8 faizi Xorvatiya, 2,4 faizi Hindistan, 1,7 faizi Almaniya, 1,6 faizi Gürcüstan, qalan 18,6 faizi digər dövlətlərlə aparılmışdır.

Vaqif BAYRAMOV, "Xalq qəzeti"