Bu ilin yanvar-noyabr aylarında Azərbaycanda 1 505 kiloqram qızıl istehsal edilmişdir.

“APA -Economics”in Dövlət Statistika Komitəsinə istinadən verdiyi məlumata görə, bu, ötən ilin 11 ayı ilə müqayisədə 6,3 faiz çoxdur.

Hesabat dövründə həmçinin 613 kiloqram gümüş istehsal edilmişdir ki, bu da ötən ilin eyni dövrü ilə müqayisədə 11,2 faiz çoxdur.

Arxada qoyduğumuz aylar ərzində mədənçıxarma sahəsində fəaliyyət göstərən sahibkarlar tərəfindən 1,9 milyon ton tikinti qumu istehsal edilib ki, bu da əvvəlki dövrlə müqayisədə 5,2 faiz azalma deməkdir. Bu müddət ərzində ölkədə inşaat üçün əhəng daşının istehsalı 0,7 faiz artaraq 349 min tona çatmışdır.