Xəzərin Azərbaycan sektorunda "Şahdəniz" qaz yatağını işlədən konsorsiumun yatağın 2-ci fazasından ildə 10 milyard kubmetr qazın ötürülməsi üçün potensial müştərilər ilə ikitərəfli danışıqlara başlamağı planlaşdırır.
Bu barədə nüfuzlu "Dow Jones Newswires" xəbər portalı layihədə iştirak edən Norveçin "Statoil" ASA (STO) şirkətinə istinadən xəbər verir.
Şirkət rəsmisi artıq yaxın zamanlarda danışıqların başlanacağını söyləyərək, bu layihədə heç bir tenderin keçirilməsinin nəzərdə tutulmadığını da bildirmişdir.
Qeyd olunur ki, "Şahdəniz" yatağının 2-ci fazasının işlənilməsinə 2016-cı və hətta 2014-cü ildə başlamaq mümkündür. Layihə işlənilməyə başlandıqdan sonra bu yataqdan ildə 16 milyard kubmetr qaz nəql etmək mümkün olacaqdır. Xəzər hövzəsinin cənub hissəsində ən böyük qaz yatağı olan "Şahdəniz-2" Avropa İttifaqı ölkələri üçün qaz mənbələrinin şaxələndirilməsində çox mühüm əhəmiyyətə malikdir.
Eyni zamanda, "Şahdəniz" yatağını işlədən şirkətlər "Nabukko", Türkiyə-Yunanıstan-İtaliya (TGİ) və "Transadriatik" qaz kəməri (TAP) layihələrinin iştirakçıları ilə danışıqlar apardığı da bildirilir. Xəbər portalı yazır ki, "Şahdəniz" qazına "Nabukko"da iştirak edən Almaniyanın "RWE" və TAP layihəsində payı olan "Rival E.ON AG" (EOAN.XE) şirkətləri də maraq göstərməyə başlamışlar.
AzərTAc

{nl}