Hollandiya Azərbaycan neftinin Rotterdam limanından nəqlinin artırılmasında maraqlıdır. Trend-in məlumatına görə, bu barədə cümə axşamı jurnalistlərə şəhərin meri Əhməd Əbutalib açıqlama vermişdir.

Rotterdam meri bildirmişdir ki, neftin nəqli həcminin artırılması imkanları dünən ARDNŞ-də keçirilən görüşdə qeyd olunmuşdur.

Mer qeyd etmişdir ki, Azərbaycan nefti çox yüksək keyfiyyətə malikdir: “Hazırda Rotterdam limanı vasitəsilə iki milyon ton Azərbaycan nefti daşınır ki, bu da dünyada ən iri limanlardan biri olan Rotterdam limanından daşınan neftin ümumi həcminin cəmi iki faizini təşkil edir. Biz hesab edirik ki, bu həcmləri artırmaq olar və bu, lazımdır”.