Yenilikləri ilə tanınan “Zivella Furniture” Bakıda  yenilənmiş “Bakı Gənclik Mağazası”nın açılışını etdi. Təntənəli açılış mərasimində qardaş Türkiyədən gəlmiş rəsmi dövlət nümayəndələri-Türkiyənin gömrük və ticarət naziri Hayati Yazıcı, Rize bölgəsinin valisi Nurullah Çakır, Rize Polis İdarəsinin rəisi Hüseyin Yenice, Rize Ticaret Birjasının rəhbəri Mehmet Erdoğan, Türkiyə Dərnəklər və Birjalar Birliyinin sədr müavini Halim Mete və çoxlu sayda qonaqlar iştirak etmişdir.

İnsanların fərdi və kollektiv şəkildə çalışdıqları məkanlara ən münasib mebellər təqdim edən “Zivella” sahib olduğu global məram, təşəbbüskarlıq və dinamizim ilə gələcəyin ofislərini bu gündən dizayn etməyi hədəfləyir. “Zivella” müştərilərinin istək və ehtiyaclarını qarşılayacaq dizaynı, gözəlliyi və keyfiyyəti bir araya gətirən gənc, həssas və daima öyrənən bir şirkətdir. Bu düşüncə ilə sektorda lider firmalar arasında yer alan “Zivella Furniture” təcrübəli və peşəkar heyəti, müasir xidmət anlayışı ilə ölkə daxilində və ölkə xaricindəki şöbələri vasitəsilə ilə xidmət göstərməyə davam edir.

 Ofis mebelləri təqdim edən “Zivella” şirkəti 1999-cu ildə Türkiyənin Rize bölgəsində qurulub. 2003-cü ildə isə Bakıda ilk mağazasını açaraq Azərbaycan istehlakçılarına xidmət göstərməyə başlayıb. Qısa müddətdə Bakıda ofis mebeli sektorunun lider markasına çevrilib. Dövlət müəssisələrinin böyük bir qisminə xidmət göstərən “Zivella” “Azersun Holdinq”, “Gilan Holdinq”, “Garant Holdinq”, SOCAR kimi nüfuzlu şirkətlərə də öz xidmətlərini təqdim edir.

 Türkiyənin Rize bölgəsində 1, İstanbulda 3, Bakıda isə 2 olmaqla, ümumilikdə 5500 m2 sahəsi olan 6 mağazaya sahib “Zivella” müştərilərinə  nümunəvi xidmətini davam etdirməkdədir.

“Zivella Furniture” məhsullarını İstanbulda 6000 m2 qapalı, 3000 m2 açıq sahədən ibarət fabrikində istehsal edir.  Bakıda 150 nəfərlik peşəkar heyəti ilə müştərilərinə xidmət göstərir. Başda ofis mebelləri olmaq üzrə kafe, restoran, otel, məktəb, uşaq baxçası, idman salonları və stadion avadanlıqlarını da əhatə edəcək şəkildə mebel istehsal edərək satışını həyata keçirir. Eyni zamanda, peşəkar mütəxəssislərimiz tərəfindən memarlıq layihələri, dizayn və bunların tətbiqi sahələrində də fəaliyyət göstərir.

“Xalq qəzeti”