İsveçrənin Azərbaycandakı səfiri Alain Quidettinin sözlərinə görə, onun ölkəsi Azərbaycanın davamlı inkişafına yönəlmiş bütün mühüm səyləri həmişə dəstəkləyəcəkdir.
Diplomat demişdir: "Azərbaycan ilə İsveçrə arasında diplomatik münasibətlərin mövcud olduğu 19 ildə iki ölkə arasında möhkəm dostluq münasibətləri yaranmış, siyasi, iqtisadi və mədəni əlaqələr isə xeyli möhkəmlənmişdir".
Səfir İsveçrənin "Holcim" şirkətinin Azərbaycanın qeyri-enerji sektoruna sərmayə qoyan ilk xarici investor olduğunu xatırladaraq qeyd etmişdir ki, enerji sektoru ölkələrimiz arasında əməkdaşlığın inkişaf etdirilməsi üçün ən perspektivli sahədir.
Diplomatın sözlərinə görə, İsveçrə Avropa ərazisinə Azərbaycandan qaz satılması ideyasını, o cümlədən Transadriatik qaz kəməri layihəsini dəstəkləyir. Bu layihəyə əsasən, Azərbaycan qazının istər iqtisadi, istərsə də texniki baxımdan səmərəli şərtlərlə nəql edilməsi nəzərdə tutulur.
AzərTAc

{nl}