Qazaxıstanın Aktau dəniz limanı və bu ölkənin ən iri neft və qaz hasil edən şirkəti olan “Tengizchevroil” arasında 2014-cü ildən başlayaraq ildə 4 milyon ton neftin Azərbaycan ərazisi ilə nəql edilməsinə dair saziş imzalanmışdır.

Limanın direktoru Berik Uandıkov “APA-Economics”ə açıqlamasında bildirmişdir ki, artıq gələn ildən Aktau limanından  4 milyon ton neft Azərbaycana göndəriləcək.

 B.Uandıkovun sözlərinə görə, bunun 3 milyon tonu Bakı-Tbilisi-Ceyhan boru kəməri ilə ixrac olunacaq, qalan 1 milyon ton isə Azərbaycan ərazisi ilə Gürcüstanın Kulevi terminalına (Gürcüstan, Qara dəniz) daşınacaq.

 Neftin nəqli və daşınması ilə bağlı artıq Azərbaycan tərəfi ilə danışıqlar aparılır.