Avqustun 2-də Mərkəzi Bank tərəfindən ölkə ərazisində fəaliyyət göstərən beynəlxalq pulköçürmə sistemlərinin monitorinqi zamanı Azərbaycan Respublikasının işğal altında olan ərazilərində "Contact" sistemi vasitəsilə pul köçürmələrinin həyata keçirildiyi müəyyən edilmişdir. Bununla əlaqədar olaraq Mərkəzi Bank avqustun 2-dən Azərbaycan Respublikasında fəaliyyət göstərən bütün banklara bu sistemlə işgüzar münasibətlərin dayandırılmasını tapşırmışdır.
Mərkəzi Bank öz səlahiyyətləri çərçivəsində sağlam maliyyə vasitəçiliyinin təmin olunması üzrə ardıcıl tədbirləri bundan sonra da davam etdirəcəkdir.{nl}