Türkiyə Respublikasının ölkəmizdəki səfiri İsmail Alper Coşkun “OKCU HOMES” daşınmaz əmlak  şirkətinin Azərbaycandakı nümayəndəliyində olmuşdur. Şirkətin Azərbaycandakı nümayəndəsi İlyaz Ayaydın daşınmaz əmlak yatırımına yeni nəzər nöqtəsi gətirməyi hədəfləyən şirkətin 2008-ci ildə Antalyanın ən çox inkişaf edən bölgələrindən birində - “Konyaaltı”da qurulduğunu bildirmişdir. Qeyd etmışdir ki, şəffaflıq prinsipinə əsaslanaraq, professional kadrlarla müştərilərin ehtiyaclarını düzgün analiz nəticəsində müştəri məmnuniyyəti qazanan “OKCU HOMES” daşınmaz əmlak satış və marketinqində, investisiya sahəsində və inşaat sektorunda  yaxşı bir fərq yaradacaq  fəaliyyətini bu gün də uğurla davam etdirməkdədir.

Beş ildir xaricdə ortaq firmalarla işləyirik. Bu il xarici nümayəndəliyimizi qardaş ölkə Azərbaycanın payxtatı Bakıda açdıq.  Türk dünyasının yeni lideri Heydər Əliyevin “Biz bir millət, iki dövlətik”  deyimi artıq çoxdan öz təsdiqini tapıb. Hazırda bir çox iqtisadi, siyasi, mədəni layihələrin həyata keçirilməsi yalnız bu iki dövlətin ardıcıl birgə səyləri nəticəsində mümkün olur. Ümumiyyətlə, türk dünyasının bütövlüyü, onun özünü vahid geosiyasi məkanda və platformada dərk etməsi, buradakı proseslərə birgə təsir imkanlarına malik olması Türkiyə-Azərbaycan münasibətlərinin səviyyəsindən əhəmiyyətli dərəcədə asılıdır. Hazırda Azərbaycan-Türkiyə münasibətlərinin yeni, ən sıx müttəfiqlik mərhələsi yaşanılır. Qardaş Azərbaycan xalqını çox sevirik, bir millət, iki dövlət şəklində olan güclü bağlarımız ilk nümayəndəliyimizin Bakıda açılmasının başlıca səbəbidir. Məqsədimiz sadəcə əmlak satışını gerçəkləşdirmək deyil, həm də iki qardaş ölkə arasında mövcud olan güclü  əlaqələrini daha da möhkəmləndirməkdir.

Şirkətin fəaliyyətini alqışlayan səfir işçilərə gələcək fəaliyyətlərində uğurlar arzulamış və şirkətin qurucusu olan Ali Hubuyar Okçunun adına verilən TUSİAB-ın fəxri fərmanını kollektivə təqdim etmişdir. Görüşdə TÜSİAB başkanı Murat Bakır və Türkiyə səfirliyinin məsul nümayəndələri iştirak etmişdir.

“Xalq qəzeti”