Dövlət Gömrük Komitəsi (DGK) mövcud buraxılış məntəqələri üzrə yüklənmələrin bərabər paylanması üzərində işləri davam etdirir.

Bu barədə Trend-ə DGK sədri Aydın Əliyev açıqlama vermişdir.

Komitə sədri demişdir: “Rusiya Federasiyası ilə sərhəddə əsas keçid məntəqəsi Samur sərhəd-keçid məntəqəsidir. Bu ərazidə Samur çayı üzərindəki körpü qeyri-kafi vəziyyətdədir ki, bu da müntəzəm olaraq sahibkarlar və sərnişinlər üçün ləngimələrə səbəb olur. Növbələrin yaranmasının digər bir səbəbi də yeni dərs ilinin başlaması ilə əlaqədardır. Buna görə də biz həm yeni körpünün tikintisi haqqında – bu qərar artıq verilib – həm də digər mövcud buraxılış məntəqələrinin fəaliyyətinin gücləndirilməsi barədə öz həmkarlarımızla danışıqlar aparırıq.”

Aydın Məmmədov qeyd etmişdir ki, DGK analoji fəaliyyəti bütün həmsərhəd dövlətlərlə aparır: “Ümumiyyətlə, Dövlət Gömrük Komitəsi həmsərhəd ölkələrdən olan həmkarlarla müntəzəm danışıqların aparılmasını diqqət mərkəzində saxlayır. Biz RF, İran, Gürcüstan və Türkiyə gömrükçüləri ilə görüşlər keçirir, mövcud problemləri müzakirə edir və onların həlli istiqamətində tədbirlər görürük”.