Bu fikri iyulun 28-də Astanada ABŞ Dövlət Departamentinin Avrasiya enerji məsələləri üzrə xüsusi nümayəndəsi Riçard Morninqstar bildirmişdir. O demişdir: "Azərbaycan həmişə etibarlı tranzit ölkəsi olmuşdur və ümidvaram ki, gələcəkdə də olacaqdır".
Qazaxıstan neftinin "Tengiz" yatağından Bakı-Tbilisi-Ceyhan boru kəməri ilə nəqli məsələsinə toxunan Riçard Morninqstar vurğulamışdır ki, "Chevron" Tengiz neftinin nəqlinin bərpası ilə əlaqədar yardım göstərilməsi üçün müraciət etməmişdir. O demişdir: "ABŞ Bakı-Tbilisi-Ceyhan layihəsini həmişə dəstəkləmişdir, mən də bu prosesə fəal cəlb olunmuşam. ABŞ Qazaxıstan neftinin BTC vasitəsilə nəqli imkanlarını dəstəkləmiş, eyni zamanda, Qazaxıstan neftinin yeni həcminin nəqli üçün XBK və QNTNS (Qazaxıstan neftinin Transxəzər nəqli sistemi) layihəsinin genişləndirilməsinə də dəstək vermişdir".
İlin əvvəlindən "Tengizşevroyl" şirkəti tariflərin artırılması səbəbindən Qazaxıstanın "Tengiz" yatağından neftin Bakı-Tbilisi-Ceyhan kəməri vasitəsilə nəqlini dayandırmışdır. BTC ilə göndərilən neft hazırda Bakıdan dəmir yolu vasitəsilə Gürcüstanın Qara dəniz sahilindəki Batumi və Kulevi limanlarına daşınır.{nl}

AzərTAc