Azərbaycan Dövlət Neft Fondunun (ARDNF) qızıl ehtiyatlarının həcmi 2013-cü ilin sonuna kimi 30 tona çatdırılacaq.

“APA-Economics”in xəbərinə görə, bunu fondun icraçı direktoru Şahmar Mövsümov bildirmişdir.

Onun sözlərinə görə, indiyədək fond tərəfindən 25 ton qızıl alınmışdır və ilin sonunadək daha 5 ton qızılın alınması nəzərdə tutulur.

Ş.Mövsümov demişdir ki, qızılın baha olması fonunda fond tərəfindən qızıla investisiya yatırılmasının məqsədəuyğun olmaması fikri düzgün deyil: “Qızıla investisiyalar strateji xarakter daşıyır. Qızılın qiymətinin dəyişkənliyi fondu narahat etmir, çünki bu, daimi prosesdir. Hazırda hökumətlə birlikdə qızılın alışının davam etdirilməsi barədə müzakirələr gedir”.