Türkiyənin Azərbaycandakı səfirliyinin ticarət baş müşavirliyindən bildirmişlər ki, iyulun 29-da Bakıda Türkiyə-Azərbaycan biznes forumu keçiriləcəkdir.
Türkiyənin ticarət naziri Zəfər Çağlayanın rəhbərliyi ilə dövlət qurumları və müxtəlif sahələrdə fəaliyyət göstərən şirkətlərin nümayəndələrindən ibarət heyət Azərbaycana gələcəkdir. Türkiyə-Azərbaycan biznes forumu çərçivəsində ikitərəfli görüşlər də keçiriləcəkdir.
Türkiyə nümayəndə heyətində elektrik və elektronika məhsulları, qiymətli daşlar, avadanlıq, tibbi texnika və vasitələr, qida və kənd təsərrüfatı, kimyəvi məhsullar, dəmir-polad, hotel və mətbəx avadanlığı, ayaqqabı və ev tekstili, kağız, kənd təsərrüfatı alətləri, proqramlaşdırma və digər sektorlarda fəaliyyət göstərən şirkətlər təmsil olunacaqdır.
AzərTAc