Azərbaycanda bu ilin dekabr ayında kibertəhlükəsizlik üzrə yüksək səviyyəli beynəlxalq tədbir keçiriləcək.

 Rabitə və informasiya texnologiyaları naziri Əli Abbasov bildirib ki, tədbir bu il dekabrın 2-dən 5-dək keçiriləcək beynəlxalq telekommunikasiya və informasiya texnologiyaları üzrə sərgi-konfransı “Bakutel 2013" çərçivəsində baş tutacaq.

Nazir deyib ki, bu il ”Bakutel 2013" sərgisi çərçivəsində biz Bakıda kibertəhlükəsizlik üzrə nazirlər toplantısı və beynəlxalq konfrans keçirmək niyyətindəyik. Bu konfrans çərçivəsində kibertəhlükəsizliyin təmin edilməsi ilə bağlı deklarasiyanın qəbul edilməsi gözlənilir. Gələn il isə Azərbaycanda Ümumdünya kibertəhlükəsizlik konfransının keçirilməsi ilə bağlı danışıqlar aparılır.

M.MÜKƏRRƏMOĞLU,

 “Xalq qəzeti”