Arıçılığı geniş təbliğ etmək və sahibkarların diqqətini bu sahəyə yönəltmək  məqsədilə sentyabrın 5-dən oktyabrın 5-dək  Bakı şəhəri Dənizkənarı bulvarın yaxınlığında yerləşən Dəniz vağzalının salonunda  Arıçılıq məhsullarının 14-cü respublika sərgi-satış yarmarkası keçiriləcəkdir.

Satışa çıxarılan bal məhsulları  Respublika Baytarlıq Laboratoriyasında dəyəri ödənilmədən analizdən keçirilərək, onlara sertifikat veriləcəkdir.

Arıçılıq məhsullarının respublika sərgi-satış yarmarkasında balın bir kiloqramı 15 manata satılacaqdır. Yarmarkanın hər bir iştirakçısı Dəniz vağzalının mühasibatlığına 167 manat yer haqqı ödəməlidir.

Sərgi-satış yarmarkasının iştirakçılarının qeydiyyatı sentyabrın 4-də saat 9-dan 20-dək, sentyabrın 5-də isə saat 8-dən 11-dək sərgi-satış yarmarkası keçirilən yerdə aparılacaqdır.

Arıçılıq məhsullarının sərgi-satış yarmarkasına yalnız arıçılıq təsərrüfatı olan sahibkarlar iştirak edə bilər. Yarmarka iştirakçılarının Kənd Təsərrüfatı Nazirliyi tərəfindən hazırlanmış bölgüsü rayon və şəhər icra hakimiyyətlərinə göndərilmişdir.

Yarmarkada arıçılara minimum bilgilər veriləcəkdir, təcrübə mübadiləsi aparılacaq, elmi-praktiki konfrans keçiriləcəkdir.

Arıçılıq məhsulları alan vətəndaşlar məhsul satıcılarının telefon nömrələrini öyrənməlidirlər. Əgər keyfiyyətsiz bal aşkar edilərsə, məhsulun geri qaytarılması təmin olunacaqdır.