Bu ilin yanvar-iyun aylarında “İpək Yolu” nəqliyyat dəhlizinin (TRACECA) Azərbaycan ərazisində 29 milyon ton və ya əvvəlki ilin eyni dövrü ilə müqayisədə 3,1 faiz çox yük, 138,7 milyon nəfər və ya 7,3 faiz çox sərnişin daşınmışdır.

Dövlət Statistika Komitəsindən “APA-Economics”ə verilən məlumata görə, dəhlizdə daşınmış yüklərin 45,7 faizi avtomobil, 36,3 faizi dəmir yolu, 18 faizi dəniz nəqliyyatının payına düşür, avtomobil nəqliyyatında 6,5 faiz, dəmir yolu nəqliyyatında 1,9 faiz artım qeydə alınmışdır.

Dəhliz vasitəsilə daşınmış yüklərin 25,8 faizi və ya 7,5 milyon tonunu tranzit yüklər təşkil etmişdir. Yük daşımaları fəaliyyətindən 226,3 milyon  manat, sərnişin daşınmasından isə 46,5 milyon  manat gəlir əldə olunmuşdur və gəlirlər müvafiq olaraq 5,9 faiz və 14,5 faiz artmışdır.