Azərbaycanda 2013-cü ildə iqtisadi artım tempinin 4,8 faiz təşkil edəcəyi gözlənilir.  “APA Economics”in xəbər verdiyi kimi, bu proqnoz Dünya Bankının “Dünya iqtisadiyyatının perspektivləri” icmalında göstərilir.

Belə ki, Dünya Bankı Azərbaycan üzrə iqtisadi artım proqnozunu ilin əvvəlindəki proqnozdan (4,2 faiz) 0,6 faiz yaxşılaşdırmışdır. Dünya Bankı 2014-cü ildə ölkədəki iqtisadi artımı 4,8 faiz, 2015-ci ildə isə 2,8% səviyyəsində proqnozlaşdırır. Yanvar ayında açıqlanan proqnozlarda isə bu göstəricilər müvafiq olaraq 3,7 faiz və 3,6 faiz olmuşdur.

Qeyd edək ki, Azərbaycanda 2012-ci ildə faktiki iqtisadi artım tempi 2,2 faiz, bu ilin yanvar-may ayları üzrə isə 4,5 faiz  təşkil etmişdir.