Azərbaycan Respüblikasının Dövlət Statistika Komitəsi məlumat verir ki, ölkə iqtisadiyyatı üçün xüsusi əhəmiyyətə malik sənayedə təsərrüfat subyektləri tərəfindən istehsal olunmuş mal və xidmətlərin həcmi əvvəlki ilin yanvar-iyun ayları ilə müqayisədə 3,5 faiz artaraq 14,2 milyard manat təşkil etmişdir. Altı ayda mühüm sənaye məhsullarından xam neftin hasilatı 25,3 milyon ton, əmtəəlik təbii qaz hasilatı 8,5 milyard kubmetr olmuşdur.
Özəl bölmədə istehsalın həcmi sənaye məhsulunun 82,1 faizini təşkil etmiş, ümumi istehsalın 93,4 faizi sənaye mallarının (əmtəələrin), 6,6 faizi isə sənaye xarakterli xidmətlərin istehsalı hesabına yaranmışdır. Məhsulun 77,5 faizi mədənçıxarma bölməsində, 17,2 faizi emal bölməsində, 4,8 faizi elektrik enerjisi, qaz, buxar və kondisiyalaşdırılmış hava ilə təchizat bölməsində, 0,5 faizi isə su təchizatı, çirkli suların və tullantıların təmizlənməsi bölməsində istehsal olunmuşdur. Sənaye məhsullarının böyük əksəriyyəti istehsalçılara göndərilmişdir.{nl}

T.ƏLİYEV, "Xalq qəzeti"