Bu sözləri Azərbaycanda rəsmi səfərdə olan Ukraynanın xarici işlər naziri Konstantin Qrişenko demişdir.
Ukraynalı nazir bildirmişdir ki, təşkilatın mahiyyəti ifrat dərəcədə siyasiləşdirilmişdir. Əslində isə GUAM-ın əsas məqsədi xüsusən nəqliyyat və enerji sahələrində müxtəlif layihələr üzrə əməkdaşlığa dəstək verməkdir.
Hazırkı mərhələdə təşkilatın əsas məqsədinin nəqliyyat dəhlizlərinin inkişafı, enerji sahəsində birgə layihələrin həyata keçirilməsi olduğunu vurğulayan K.Qrişenko demişdir: "Biz bu məsələlərin üzərində ciddi işləyəcəyik. Hesab edirik ki, qurumun institutlaşmasından sonra onun fəaliyyəti ciddi şəkildə yaxşılaşmışdır".
Nazir Ukraynanın Xəzərin karbohidrogen ehtiyatlarının Avropaya nəqlində GUAM-dan, o cümlədən Ukraynanın boru xətlərindən istifadə edilməsinə maraq göstərdiyini bildirmişdir.{nl}