“Azərlotereya” ASC mütəmadi olaraq bazara yeni-yeni layihələr çıxarır və “May sevincləri” bu lotereyalardan biridir. Mayın 31-də saat 21.20-də “Space” telekanalının tamaşaçıları canlı yayımda bu tirajı izləyə biləcəklər. İştirakçıları çoxsaylı pul uduşları ilə bərabər, əsas oyundan əvvəl və sonra həvəsləndirici turlar gözləyir. Bu turlarda biletin seriya nömrəsi ilə 100% uduşlu “Jeep Cheroke Sport” və “Kia Rio” avtomobilləri oynanılacaqdır.

Son vaxtlar “Azərlotereya” ASC oyunların təşkilində, tirajların keçirilməsində yeni texnologiyaların tətbiqinə və satış şəbəkəsinin genişləndirilməsinə xüsusi önəm verir. May ayından başlayaraq, şirkət lotereya biletlərinin internet vasitəsilə satışına başlayıb. Belə ki, lotereya həvəskarları artıq “Azərlotereya” ASC-nin www.azerlotereya.com saytında qeydiyyatdan keçdikdən sonra ASC tərəfindən təşkil olunan lotereya oyunlarının biletlərini, necə deyərlər, “evdə oturmaqla” onlayn rejimdə əldə edə bilərlər.

Lotereya həvəskarlarını yeni oyunlar, lotereya biletlərini asanlıqla əldə etmək imkanları, maraqlı, şəffaf və obyektiv tiraj və nəhayət, bu gərgin əməyin “son məhsulu” olan uduşlar maraqlandırır. Bu uduşlarla iştirakçılar sevinməkdə davam edirlər. Laçın rayon Çıraqlı kənd sakini Əhmədov Orxan İbadət oğlu və Bakı sakini Babayev Feliks Vakifoviç “Binqo”dan hərəyə bir “Chevrolet Aveo” avtomobili qazandılar. Məmmədov Emin Zahid oğlu “Klassik loto” lotereyasının biletilə “Nissan Sunny” avtomobil, Balakən rayon sakini Sarıyev İlqar “Qızıl onluq” lotereyasının biletilə “Kia Rio” avtomobili udublar. Bu, “Qızıl onluq”da son ayda udulan yeganə avtomobil deyil. Bakı şəhər sakini Ələsgərov Vahid Museyib oglu, Abbasov Faiq Baxış oğlu və Bünyatov Səfər Namiq oğlu da “Kia Rio” avtomobillərinə sahib olublar. “5/36” lotereyasının 700-cü tirajında Gəncə şəhər sakini Hidayətov Ümid Mübariz oğlu 3003 manat, “Klassik loto”da Bakı sakini Əliyev Şahmar Məmmədqulu oğlu 2000 manat udmuşlar. İlin əvvəlindən 149 740 manat məbləğində rekord uduşla yaddaşlarda qalan “6/40” lotereyasının növbəti “Cek Pot”u qısa vaxt ərzində bu rekord məbləği “haqlayıb”. “5/36”lotereyasının “Cek Pot”u

100 000 manatlıq, “Binqo”, “Klassik loto” və “Qızıl onluq” lotereyalarında isə əsas uduşlar 170 000 manatlıq həddə çatmaqdadırlar. Ola bilsin ki, “May sevincləri”nin tirajınadək biz rekord uduşların şahidi olaq. Rekord uduş sahibi olmaq bu uduşun şahidi olmaqdan 170 000 dəfə yaxşıdır. Yəqin ki, fərqindəsiniz...