Azərbaycan Respublikası Dövlət Neft Fondunun (ARDNF) qısamüddətli planlarına Asiyada daşınmaz əmlak əldə edilməsi də daxildir. Bu barədə “Trend”ə ARDNF-dən bildirmişlər.

“Neft Fondunun daşınmaz əmlakın alınmasına dair strategiyası və müvafiq tələbləri var. Əgər kommersiya daşınmaz əmlakı strategiyaya və fondun bütün tələblərinə cavab verirsə, ARDNF onun əldə edilməsinə hazırdır” – deyə fonddan məlumat vermişlər.

Avropada, xüsusilə Avstriyada daşınmaz əmlakın əldə edilməsi məsələsinə gəlincə, ARDNF-dən qeyd etmişlər ki, hazırda bu ölkədə daşınmaz əmlakın əldə edilməsinə dair konkret planlar yoxdur. Variantlar yaranacağı halda, ARDNF-nin müvafiq strategiyasına əsasən, onlar nəzərdən keçiriləcək.