Balanslaşdırılmış sığorta portfelinin yaradılması, sığorta əməliyyatlarının səmərəliliyi və maliyyə sabitliyinin, eləcə də müştəri müraciətlərinin münasibətdə operativliyinin təmin edilməsi məqsədilə, “PAŞA Sığorta” may ayından etibarən A reytinqli Munich RE, SCOR, Polish RE və yerli AzRe kimi  təkrarsığorta şirkətləri ilə  əmlak inşaat-montaj təkrarsığortası və onu müşahidə edən risklər üzrə  öz birinci obliqator müqaviləsini imzalamışdır. Həmin müqavilə üzrə lider anderrayter rolunda Munich Re çıxış edir.

Munich Re Azərbaycan bazarında ilk dəfə olaraq ümumi sığorta (qeyri-həyat sığortası) üzrə  öz obliqator müqaviləsini  imzalayıb. Onu qeyd edək ki, Munich Re illik təkrar sığorta haqqı həcminə görə qlobal sığorta bazarının və dünya təkrarsığorta bazarının lideridir.

“PAŞA Sığorta” ASC-nin idarə heyətinin üzvü və baş texniki direktoru Tural Əliyev qeyd edir: Bu müqavilə daha etibarlı təkrarsığorta müdafiəsini, eləcə də “PAŞA Sığorta”nın müştəri müraciətlərinə  operativ qaydada cavab vermək imkanını yaradır.

“PAŞA Holdinq”in tərkibində fəaliyyət göstərən “PAŞA Sığorta” ASC korporativ və fərdi müştərilərə könüllü və icbari sığortanın 30 növü üzrə xidmət göstərir. 35.5  milyon manat nizamnamə kapitalı və 76 milyon manat cari aktivlə “PAŞA Sığorta” kapitallaşma göstəricilərinə və riskləri özündə saxlama gücünə görə Azərbaycan sığorta və təkrarsığorta bazarının lider üçlüyündə mövqeyini gücləndirmişdir.