“Azəri-Çıraq-Günəşli” yataqlar blokundan “Əsrin Müqaviləsi” çərçivəsində bu günədək təxminən 2,2 milyard barel neft hasil edilmişdir.

“APA-Economics”in xəbərinə görə, bunu “bp”-nin Azərbaycan, Türkiyə və Gürcüstan üzrə regional direktoru Qordon Birrell bəyan etmişdir.

Q.Birrellin sözlərinə görə, Bakı-Tbilisi-Ceyhan neft boru kəməri vasitəsilə bu günədək 1,7 milyard barel neft nəql edilmiş və bu neft Ceyhan limanından 2 140 tankerlə dünya bazarlarına aparılmışdır.

Eyni zamanda “Şahdəniz” layihəsinin fəaliyyəti ərzində bu günədək gündəlik hasilat 966 milyon standart kub fut qaz və 55 min barel kondensat təşkil etmişdir.