Ölkənin sənaye  sahələrində 2013-cü ilin  yanvar-mart aylarında 8,6  milyard manatlıq  məhsul  istehsal olunmuş və xidmətlər  göstərilmişdir.  Sənayenin qeyri-neft  sahələrində  2,9  faiz  artım, neft  sektorunda 2,9 faiz  azalma  müşahidə  olunmuşdur.

Dövlət Statistika Komitəsindən aldığımız məlumatda deyilir ki, istehsalın dövrddə üç  hissəsi mədənçıxarma, 18,4 faiz emal, 6,1  faiz elektrik  enerjisi,  qaz və  buxar istehsalı, bölüşdürülməsi və  təchizatı, 0,5  faiz  isə su  təchizatı tullantılarının  təmizlənməsi və  emalı bölməsində həyata keçirilmişdir.  Üç ay  ərzində  10,8  milyon ton neft, 4,4 milyard kubmetr  əmtəəlik  təbii qaz hasil edilmişdir. Qeyri-neft  bölməsinin məhsullarından qida,  içki,  tütün  məmulatlarının, geyim,  dəri  və  dəri  məmulatlarının, ayaqqabıların, kağız  və  karton, poliqrafiya, kimya,  tikinti  metallurgiya,  kompyuter  və elektron avadanlıqlarının, avtomobil qoşqularının,  nəqliyyat vasitələrinin, mebel  və s.  məhsullarının  istehsalında  daha  çox  artım  əldə  edilmişdir.

Samirə ƏLİYEVA,
“Xalq qəzeti”