Azərbaycanda həyata keçirilən layihələr məndə xoş təəssürat yaratmışdır.
Bu sözləri Azərbaycan Dillər Universitetinin (ADU) İnformasiya Resurs Kompleksində Mərkəzi Avropa Universitetinin (CEU) macarıstanlı professoru Qriqori Böqel dünyada baş verən iqtisadi proseslər haqqında mühazirəsində demişdir.
Universitetdən bildirmişlər ki, professor Q.Böqelin toxunduğu müxtəlif mövzular arasında ötən il dünyada baş verən iqtisadi böhranın nəhəng korporasiyalara olan təsiri mövzusu da var idi.
Mühazirəçi müasir dünya iqtisadiyyatında internetin əhəmiyyətindən də söz açmışdır. Bildirmişdir ki, internet müəssisələrin nəqliyyat və əmək xərclərini azaldır. Q.Böqel böyük korporasiya və müəssisələrin əmək xərclərini azaltmaq üçün digər ölkələrdə zavod və fabriklərin qurulmasının mənfi və müsbət cəhətlərindən söz açaraq demişdir ki, əmək xərclərinə qənaət etmək üçün digər ölkələrdə zavod və fabrik açan şirkətlər öz ölkələrindən iş yerlərini alır və digər ökələrə mütəxəssislər bəxş edir.
Professor Q.Böqel Azərbaycan haqqında geniş məlumata malik olduğunu da vurğulamışdır. O demişdir ki, Azərbaycanın sürətlə inkişaf etməsi bütün dünyaya məlumdur.
AzərTAc{nl}