Azərbaycan Respublikası Dövlət Neft Şirkəti (ARDNŞ) 2013-cü ilin fevral ayında dövlət büdcəsinə 132,285 milyon manat vəsait ödəmişdir. ARDNŞ-dən “APA-Economics”ə verilən məlumata görə, bu göstərici ötən ilin fevral ayındakına nisbətən 43,9 faiz çoxdur.

Ümumiyyətlə, 2013-cü ilin yanvar-fevral aylarında şirkət büdcəyə 266,516 milyon manat vəsait ödəmişdir ki, bu da 2012-ci ilin müvafiq dövrü ilə müqayisədə 36,1 faiz çoxdur.

Bundan əlavə, cari ilin fevral ayında ARDNŞ Dövlət Sosial Müdafiə Fonduna (DSMF) 11,4 milyon manat vəsait köçürmüşdür  ki, bu da ötən ilin fevral ayına nisbətən 1,1 faiz çoxdur.

Ümumiyyətlə, 2013-cü ilin yanvar-fevral aylarında ARDNŞ tərəfindən DSMF-yə ödəniş 24,167 milyon manat təşkil etmişdir ki, bu da 2012-ci ilin müvafiq dövrünün göstəricisini 1,9 faiz üstələyir.