ARDNŞ-nin mətbuat xidməti xəbər verir ki, 2012-ci ilin dekabr ayında ARDNŞ Marketinq və İqtisadi Əməliyyatlar İdarəsi tərəfindən 1 min 985 ton avtomobil benzini, 81 min 285 ton dizel yanacağı, 24 min 560 ton təyyarə yanacağı, 179 ton soba mazutu, 30 min 135 ton vakuum qazoylu ixrac edilmişdir.

Ümumilikdə, 2012-ci ilin yanvar-dekabr ayları ərzində 60 min 142 ton avtomobil benzini, 921 min 570 ton dizel yanacağı, 145 min 980 ton təyyarə yanacağı, 3 min 23 ton soba mazutu, 113 min 27 ton vakuum qazoylu ixrac edilmişdir ki, bu da 2011-ci ildəki müvafiq göstəricilərdən çoxdur.

Yeri gəlmişkən, 2012-ci ilin dekabr ayında dünya bazarında avtomobil benzininin qiyməti (1 ton üçün) - 955,16 dollar, təyyarə yanacağının qiyməti - 982,20 dollar, dizel yanacağının qiyməti - 914,14 dollar, 1%-li kükürdlü mazutun qiyməti isə 597,07 dollar təşkil etmişdir.

“Xalq qəzeti”