Noyabrın 5-dən 9-dək Bakı şəhərində keçirilən 7-ci İnternet İdarəçiliyi Forumunda iştirak edən Avropa Komissiyasının rəqəmsal gündəlik üzrə vitse-prezidenti Nili Kroesin mətbuat katibi Rayn Heat öz şəxsi “Twitter” ünvanında ölkəmizdə olduqları zaman kompyuterlərinə müdaxilə edilməsi barədə yeni məlumatlar yerləşdirmişdir.

Xatırladaq ki, İnternet İdarəçiliyi Forumunda mətbuat katibi Rayn Heat birmənalı şəkildə qeyd etmişdir ki, onun qaldığı hotel nömrəsində kompyuterinə müdaxilə olunmuşdur və cənab Heat bu müdaxiləni onlara olan nəzarətin təzahürü kimi ictimaiyyətə açıqlamışdır (mənbə: BBC News Technologies - http://www.bbc.co.uk/news/technology-20308939 ttp://www.bbc.co.uk/news/technology-20308939, 13 noyabr, 2012-ci il).

Ötən gün Rayn Heat “Twitter” ünvanında qurumun İT mütəxəssislərinin bu işlə bağlı araşdırmalarını bitirdiklərini və faktiki olaraq müdaxilənin sübut olmasına dair heç bir dəlil aşkar olunmadığını qeyd etmişdir.

Cənab Heatın bəyanatını olduğu kimi təqdim edirik (mənbə: http://ecspokesryan.tumblr.com/ ttp://ecspokesryan.tumblr.com/).

“Artıq bizim İT təhlükəsizlik xidmətlərindən mənim şəxsi kompyuterimlə bağlı əhəmiyyətli yeniliklərimiz var. Kompyuterdə ziddiyyətli sertifikatlar, şübhəli mesajlar qəbul olunmuşdur və parollara müdaxiləni istisna etmək mümkün deyil. Digər tərəfdən, kompyuterimdə heç bir məlumat itkisi qeydə alınmayıb və zərərli proqram yoxdur. Bu xəbər bizi rahatlatdı və biz bu məsələni bağlı hesab edirik”.