“Keçmiş SSRİ Əmanət Bankının Azərbaycan Respublikası Bankının Azərbaycan Respublikasının vətəndaşları olan əmanətçilərinə fərdi birdəfəlik ödəmələrin verilməsi haqqında” fərmanına uyğun olaraq, ərizələrin son qəbul tarixi dekabrın 31-dir.

Keçmiş SSRİ Əmanət Bankının Azərbaycan Respublikası Bankının Azərbaycan vətəndaşları olan əmanətçiləri qeyd olunan müddət ərzində “Kapital Bank”ın şöbə və məntəqələrinə müvafiq ərizə və sənədlərini təqdim etməlidirlər.

Ərizələrin qəbulu istirahət günləri olan 29, 30 və 31 dekabrda da həyata keçiriləcəkdir. Həmin müddətdən sonra müraciətlər qəbul edilməyəcək və onlara baxılmayacaqdır.

Qəbul olunmuş ərizələr üzrə fərdi birdəfəlik ödəmələr 2013-cü ildə həyata keçiriləcəkdir.