"Nabucco Gas Pipeline İnternational" Konsorsiumun icraçı direktoru Reynhard Mitçek iyunun 23-də Azərbaycana səfərə gələcəkdir.
Konsorsiumun ölkəmizdəki nümayəndəliyindən bildirmişlər ki, R.Mitçek Avstriyanın Avropa və beynəlxalq işlər üzrə federal naziri Mixael Şpindeleqqerin rəhbərlik etdiyi nümayəndə heyətinin tərkibində Azərbaycana gələcəkdir.
Qeyd edək ki, Xəzər regionundan Türkiyə və Balkan yarımadası vasitəsilə Mərkəzi Avropaya təbii qazın ixracı üçün nəzərdə tutulmuş Nabukko boru kəmərinin inşası məqsədi ilə yaradılan "Nabucco Gas Pipeline İnternational" Konsorsiumuna "OMV" (Avstriya), "MOL" (Macarıstan), "Transgaz" (Rumıniya), "Bulgargaz" (Bolqarıstan), "BOTAŞ" (Türkiyə) və "RWE" (Almaniya) şirkətləri daxildir. Hər bir tərəfdaş şirkətin Konsorsiumda payı 16,67 faiz təşkil edir.{nl}

AzərTAc