Xəzər dənizi regionunun iqtisadi inkişafında mühüm rol oynayan neft və qaz istehsalçılarına öz dəstəyini genişləndirərək, "GE Oil & Gas" şirkəti rəsmi olaraq yeni "Global Services" mərkəzini açdı.
Altı milyon ABŞ dolları məbləğində vəsait qoyulmuş və ilin sonunadək 14 nəfər yerli əməkdaşın işləyəcəyi bu mərkəz Xəzər dənizi regionundakı indiki və gələcək sifarişçiləri üçün qazma və hasilat avadanlığının təmir və bərpası, onlara texniki xidmət göstərilməsi sahəsində GE-nin potensial imkanlarını artırır.
Yeni mərkəz bir tavan altında iki anbardan, iki çox güclü körpü krandan, kənarda yerləşən anbar meydançasından və ofis binasından ibarətdir. Mərkəzdə sualtı quyuağzı avadanlığı, nəzarət-ölçü cihazları, birləşdirici muftalar və sualtı fontan armaturu da daxil olmaqla, GE istehsalı olan bir çox qazma və hasilat avadanlıqlarının cari və əsaslı təmiri həyata keçiriləcəkdir.
"GE Oil & Gas" şirkəti haqqında
"GE Oil & Gas" şirkəti qazma və hasilat, mayeləşdirilmiş təbii qaz, boru kəmərləri və anbarlardan tutmuş, energetika, emal və neft-kimya məhsullarınadək neft və qaz sənayesinin bütün seqmentləri üçün qabaqcıl texnoloji avadanlıqların istehsalı və xidmətlərin göstərilməsi sahəsində dünya liderlərindən biridir. Şirkət, eləcə də, boru kəmərlərinin bütövlüyünün təmin edilməsi ilə bağlı məsələlərin həlli, o cümlədən onların yoxlanılması və əldə edilən məlumatların idarə edilməsi xidmətlərini yerinə yetirir. Sifarişçiləri diqqət mərkəzində saxlayan "Yeniliyi indi yarat" prinsipimizin və öhdəliyimizin bir hissəsi kimi, "GE Oil & Gas" şirkəti neft və qaz sənayesində görülən işləri və məhsuldarlığı mütəmadi olaraq yaxşılaşdırmaq üçün GE-nin aviasiya və səhiyyə kimi digər biznes fəaliyyəti sahələrində qazanılmış texnoloji yeniliklərdən istifadə edir. "GE Oil & Gas" şirkətinin dünyanın 100-dən artıq ölkəsində çalışan 120000 nəfərdən çox əməkdaşı var.
GE şirkəti haqqında
GE dünyanın vacib ehtiyaclarını ödəmək üçün yaradılmış çoxprofilli qlobal infrastruktur, maliyyə və maliyyə şirkətidir. Energetika, su, nəqliyyat və səhiyyədən tutmuş, maliyyə vəsaitləri və informasiya əldə edilməsinədək olan bütün sahələrdə sifarişçilərə xidmətlər göstərən GE-nin dünyanın 100-dən çox ölkəsində 300000 nəfərdən çox işçisi vardır.{nl}