Bu ilin yanvar-iyun aylarında Azərbaycanda magistral neft kəmərləri ilə 22,6 milyon ton neft daşınmışdır.
Dövlət Statistika Komitəsindən AzərTAc-a bildirmişlər ki, nəqletmənin 76,9 faizi Bakı-Tbilisi-Ceyhan (BTC) neft ixrac kəməri ilə həyata keçirilmiş və cari ilin yanvar-iyun ayları ərzində bu kəmər vasitəsilə 17,4 milyon ton neft ötürülmüşdür.
Bu dövrdə gəmilər vasitəsilə ölkəyə gətirilərək Səngəçal terminalından BTC kəməri ilə 1600,2 min ton Türkmənistan nefti nəql edilmişdir.