ADA Şirkətlər Qrupundan verilən məlumata görə hərtərəfli araşdırmalardan sonra iki beynəlxalq investisiya fondu "Almalı" mağazalar şəbəkəsinin sərmayədarları və səhmdarları sırasına daxil olmaq istəyi ilə rəsmi təklif və qərar vermişlər. Hal-hazırda bu təkliflər ADA Şirkətlər Qrupunun əsas kreditoru və səhmlərinin sərəncamçısı olan Beynəlxalq Maliyyə Korporasiyası (IFC) ilə razılaşdırma mərhələsindədir. Beynəlxalq Maliyyə Korporasiyasının (IFC) qərarından sonra yeni səhmdar tərəfindən "Almalı" şəbəkəsinin fəaliyyətinin təcili bərpası üçün lazımi vəsait ayrılacaqdır.

Qabil YUSİFOĞLU, "Xalq qəzeti"