Azərbaycanın Sənaye və Energetika Nazirliyində Estoniyanın iqtisadiyyat və rabitə naziri Yuhan Parts ilə görüş keçirilmişdir.
Görüşdə ölkəmizdə neft-qaz hasilatı, emalı, ixracı, enerji layihələri, qeyri-neft sektorunun əsas inkişaf istiqamətləri barədə qonaqlara geniş məlumat verilmiş, Azərbaycan ilə Estoniya arasında həmişə dostluq münasibətlərinin mövcud olduğu diqqətə çatdırılmış, hökumətlərarası komissiyanın Bakıda keçirilən birinci iclasının ticari-iqtisadi əməkdaşlığın daha da inkişaf etdirilməsi üçün səmərəli nəticələr verəcəyi vurğulanmışdır.
Estoniyalı nazir ölkəsinin son illər əldə etdiyi iqtisadi uğurlardan danışaraq Azərbaycanın öz enerji ehtiyatlarının yaxın və uzaq ölkələrə çatdırılması sahəsində əldə etdiyi nailiyyətlərin sevindirici olduğunu bildirmişdir.
Görüşdə konkret təkliflər səslənmiş, əməkdaşıq imkanları ətrafında fikir mübadiləsi aparılmış, tərəfləri maraqlandıran suallar cavablandırılmışdır.
AzərTAc