Bakıda Azərbaycan-Estoniya biznes forumu keçirilmişdir.
Forumda informasiya-kommunikasiya texnologiyaları, bank, əmlak, turizm, sənaye, yol tikintisi sahələrini təmsil edən 20-yə yaxın eston iş adamı iştirak etmişdir.
Məlumat verilmişdir ki, ötən il iki ölkə arasında ticarət dövriyyəsi 20 milyon ABŞ dolları təşkil etmişdir. Hazırda Azərbaycandan Estoniyaya kənd təsərrüfatı və yeyinti məhsulları ixrac edilir. Estoniyadan isə Azərbaycana tikinti materialları idxal olunur.
Tədbirdə iki ölkə arasında iqtisadi sahədə mövcud əlaqələr və bu əməkdaşlığın daha da inkişafı üçün imkanlar, sahibkarların iqtisadi əlaqələrin inkişafında rolu müzakirə edilmiş, iş adamları arasında ikitərəfli görüşlər keçirilmişdir.
AzərTAc