Rusiya ilə Azərbaycan arasında əməkdaşlığın potensialı çox yüksəkdir. Rusiyanın Azərbaycandakı səfiri Vladimir Doroxin bu fikri iyunun 28-də Bakıda keçirilən "Rusiya-Azərbaycan dialoqu-2012" üçüncü Rusiya-Azərbaycan regionlararası forumunun açılışında söyləmişdir.
Diplomat qeyd etmişdir ki, iki ölkə arasında ticarət dövriyyəsinin həcmi ilbəil artmaqdadır. Azərbaycan Rusiya Federasiyasının 70 subyekti ilə sıx əməkdaşlıq edir. İndiyə qədər Rusiya Federasiyasının yeddi subyektinin nümayəndə heyətləri Azərbaycan Respublikasına səfər etmişlər. Rusiyanın regionları ilə Azərbaycanın əməkdaşlığı haqqında altı sənəd imzalanmışdır.