Azərbaycan Şimali Qafqaz üçün strateji tərəfdaşdır.Rusiya Prezidentinin Şimali Qafqaz Federal Dairəsindəki səlahiyyətli nümayəndəsinin müavini Sergey Subbotin bu fikri iyunun 28-də Bakıda keçirilən "Rusiya-Azərbaycan dialoqu - 2012" Üçüncü Rusiya-Azərbaycan regionlararası forumundakı çıxışında söyləmişdir.
O qeyd etmişdir ki, keçən il Azərbaycan ilə Rusiya arasında əmtəə dövriyyəsi həcminin rekord göstəricisi qeydə alınmışdır.
S.Subbotin Şimali Qafqazda turist klasterinin inkişafına Azərbaycan biznesinin cəlb edilməsində Rusiyanın marağı olduğunu bildirmişdir: "Bu, çox geniş sahədir, lakin təəssüf ki, hələlik burada Azərbaycan biznesi çox cüzidir". Bundan əlavə, o, Şimali Qafqazda əməkdaşlığın inkişafına qarşılıqlı marağın yüksək olduğunu qeyd etmişdir.
Müştərək iqtisadi layihələrin həyata keçirilməsi sayəsində Cənubi Qafqazdan Rusiyaya dəhliz yaratmaq mümkün olacağını vurğulayan S.Subbotin demişdir: "Əməkdaşlığı fəallaşdırmaq üçün Azərbaycanda Cənubi Qafqaz dairəsinin vahid nümayəndəliyini yaratmaq planlaşdırılır. Hazırda hüquqi məsələlər həll edilir və zənnimcə, biz bu qərara gələcəyik".
AzərTAc