Estoniya ilə Azərbaycan arasında qarşılıqlı ticarət dövriyyəsinin həcmini artırmaq üçün böyük potensial mövcuddur.
Bu sözləri Estoniyanın iqtisadi əlaqələr və rabitə naziri Yuhan Parts Azərbaycan-Estoniya ticarət-iqtisadi əməkdaşlıq üzrə hökumətlərarası komissiyasının iclasında demişdir.
Nazir diqqətə çatdırmışdır ki, son 2 il ərzində ölkələrimiz arasındakı ticarət dövriyyəsinin həcmi 2 dəfə artmışdır. Lakin hazırda ticarət dövriyyəsinin həcmi 20 milyon avro həcmindədir ki, bu rəqəm hər iki ölkəni qane etmir. Bu göstəricini artırmaq üçün böyük potensial var və imkanlarımız genişdir.
Qonaq vurğulamışdır ki, biz tədbirdə Azərbaycan ilə iqtisadiyyat və biznes imkanlarını müzakirə edəcəyik, gələcəkdə isə təhsil, elm, mədəniyyət, İKT, energetika, turizm və digər sahələrdə əməkdaşlığa başlamaq niyyətindəyik.