Azərbaycanın Tacikistandakı səfiri Abbasəli Həsənov bu ölkənin maliyyə naziri Safarali Nadjmiddinov ilə görüşmüşdür. 
Maliyyə naziri A.Həsənovu Tacikistanda səfir təyin edilməsi münasibətilə təbrik etmiş, ölkələrimiz arasında əlaqələrin yüksək səviyyəyə qaldırılması istiqamətində diplomata uğurlar arzulamışdır. Nazir demişdir ki, Tacikistan Azərbaycan ilə bütün sahələrdə əməkdaşlığın inkişafında maraqlıdır.
Görüşdə ölkələrimiz arasında maliyyə, kənd təsərrüfatı, ticarət, sərmayələrin yatırılması, sahibkarlıq və biznes, həmçinin digər sahələrdə əlaqələrin genişləndirilməsi məsələləri müzakirə olunmuşdur.
Bundan əlavə, görüşdə iqtisadi, texniki, humanitar sahələrdə əməkdaşlığın daha da inkişaf etdirilməsi, bir sıra istiqamətlərdə kadrların hazırlanması ilə bağlı fikir mübadiləsi də aparılmışdır.
A.Həsənov Azərbaycan ilə Tacikistan arasında əməkdaşlığın daha da genişləndirilməsi üçün var gücü ilə çalışacağını bildirmişdir.

Qulu KƏNGƏRLİ, AzərTAc-ın xüsusi müxbiri
Düşənbə